Қыз өссе елдің көркі

2021 жылдың  08- қазаны күні 8а сыныбында сынып жетекші  З.Алтынбекованың  ұйымдастыруымен  «Қыз өссе елдің көркі» атты  тәрбие сағаты өткізілді. Мақсаты: қыз балаларды жамн әдеттерден сақтандыру үшін айтылатын  тыйым сөздермен, мақал – мәтелдермен таныстыру, мағынасын ашу, ақыл –кеңес беру. Ұлттық  салт –дәстүрімізді білу, оның астарын түсініп, атадан балаға мирас ету, қазіргі таңда, әсіресе қыздарымыз үшін ауадай қажет. Қыз баланың нәзік те қайратты,албырт та алғыр,ширақ та байсалды, сабырлы да төзімді болуына оның тәрбиесі ғана бағыт береді. Адамгершілігі жоғары, сыпайы,әдепті, білімді қыздарымыз аз емес. Бүгінгі тәрбие сағатымызда қыз бала тәрбиесі, әдептілік пен әдемілік туралы сөз  болмақ.  Қазақ халқының  әрбір қыз балаға қатысты айтылған мақал –мәтелінде  үлкен мән бар. Ол үшін әр сөздің мағынасын  түсіне білу керек. Қыз баланың сұлулығы неде? тәрбиелігінде, әдептілігінде ,адамгершілігінде, ақылдылығында, ұстамдылығында,  жинақылығында, білімділігінде, ұқыптылығында болып табылады.