«Қыз тәрбиесі мектеп ішінде»

    2021 жылдың  14 қаңтары күні  мектептің 8-11 сынып оқушы қыздары  арасында   «Қыз тәрбиесі мектеп ішінде» атты жиын өткізілді. Жиынға мектептің тәлімгері Ж.Қырықбаева,  педагог -психолог Ж. Акишева қатысып,  «Қыз тәрбиесі мектеп ішінде»  атты баяндама жасады. 

 Адам адамға қарап, ағаш  ағашқа қарап  өседі деп білген қазақ халқы: қызым жақсы болсын десең, қылықтымен  ауыл бол,- дейтін халық даналығын берік ұстанып, қыз балаларды ес біліп, етек жая бастаған кезде  -ақ өнерлі, текті, тәрбиелі адамгершілігі жоғары болсын деп тәрбиелейді. Сол мақсатпен мектеп ішіндегі қыздар тәрбиесі 3 бағытқа бөлінген:

+ жан сұлулық

+ гигиеналық , тазалық

+ қамқоршылық

Мектеп ішіндегі қыз балалардың мінез – құлқын тәрбиелеу бойынша жұмыс оларды нәзіктікке баулу, отбасындағы алатын орны, ептілік пен шеберлік қалыптастыру , сондай  - ақ қыздардың сұлулық, әсемдік жақсы қарым – қатынас  сияқты   ұғымдармен таныстыруға бағытталған. Тек қана рухани тұрғыдан емес қыздарымызды таза, әсем, жарасымды киім киіп, өздерін күтуге, шаш өруге, шаштарын соңғы сән үлгісімен өздеріне жарасатындай қиюға кеңес беру, үйретуге ескеріледі.

Мектептің педагог – психологы  Ж.Акишева   оқушы  қыздарға  пайдалы ақыл – кеңесін айтып, олардың сұрақтарына жауап берді.