13
ноябрь
2019
Дүниежүзілік Сабақ «Қазіргі және болашақ: әр бала үшін қорғалған балалық шақ»
«Қазіргі және болашақ: әр бала үшін қорғалған балалық шақ» тақырыбында 7 сынып оқушыларымен мектебімізде дүниежүзілік сабақ өткізілді. Сабаққа Билікөл ауылдық округінің әкімінің міндетін атқарушы Жүнісов Шымыр, мектеп директоры Молдабаева Динара және сынып жетекшілер түгел қатысты.
Сабақтың мақсаты: оқушыларға зорлық-зомбылық туралы мағлұмат беру, адамның жаны мен тәніне үлкен зардап әкелетін зорлыққа біздің елімізде заң бар екенін айту. Оқушыларға толеранттылық туралы мағлұмат бере отырып, өздері жүрген орталарында мейірімді болуға, бұзақылық істерге бармауға, адами бойларындағы қасиеттерін сақтауға, әдепті де, тәртіпті де тұлға болып өсуін тәрбиелеу. Сабақта проблемалық сұрақтар қойылып, оқушылардың сын тұрғысынан ойлау қабілеттері сыналды. Көрнекіліктер ретінде тақырыпқа сай презентация жасалып, Қазіргі Қазақстанның қорғалған бақытты балалары тақырыбында постерлер жасалып, қорғалды. Сабақ барысында оқушылар "Тепенкөк" күйін тартты, қыздар қазақша киынып "Қазақ" биын биледі. Серік Аружан "Атамекен" әнін орындады. Сабақты оқушылар "Мәңгілік Ел" әнімен қорытындылады.