Мектеп оқушыларын мектеп ережесімен таныстыру,қоғамдық жерлердегі,көшедегі,мектептегі,үйдегі жасөспірімдердің тәртіптері туралы әңгіме-сұхбат жүргізілгендігі туралы анықтама
2022 жылы 15 қыркүйек күні №3 Қарымбай Қошмамбетов атындағы орта мектебінде,ДТІЖО Ж.Ембердиева ережесі,қоғамдық жерлердегі,көшедегі,мектептегі,үйдегі жасөспірімдердің тәртіптері туралы әңгіме-сұхбат жүргізді. Оқушы сабаққа келгенде қажетті кітап, дәптер, жазу-сызу құралдарымен келуі керек. Әр сабақтың алдында сол сабаққа қажетті оқу құрал – жабдықтарын дайындап қоюға тиісті.Сабақ кезінде оқушы мұғалімнің айтқандарын тиянақты тыңдап, жазып отыру керек. Үй тапсырмасын күнделікке мұқият жазып алу керек, аптаның соңында мұғалім күнделікті тексеріп, ата-ананың қолын қойдыруды талап етеді.Мектеп оқушыларына тыйым салынады:
- өзімен бірге сабаққа кедергі жасайтын заттарды, басылымдарды, ойын заттарын әкелуге;
- ақша салып ойнайтын ойындар ойнауға;
- бөтен нәрселер әкеліп сатуға, айырбастауға;
- сабақта, үзіліс кезінде қауіпсіздік ережелерін бұзуға;
Оқушылар бір- бірімен достық, әдептілік, қайырымдылық қарым- қатынаста болу керек. Жаман әдеттерден аулақ болуы тиіс.Бір-бірімен сөйлескенде бұзақы, бейбастақ сөздерді қолданбай, тіл мәдениетін сақтап сөйлесуі керек.Оқушылар себепсіз сабақ босатпауы тиіс, босатқан күнде себебін мұғалімге жеткізуі керек. ОҚУШЫЛАР: мектеп Жарғысын орындауға, мектептің, өзінің және басқаның мүлкін , мектеп ауласындағы тазалық пен тәртіпті сақтауға және ұстаздар мен басқа жұмыскерлердің еңбегіне құрметпен қарап мектепішілік Ережені сақтауға міндетті екендіктерін түсіндіріп өтті.
