Бірыңғай жалпы республикалық "Адалдық сағаты" өткізілді.

    Мектебімізде қарашаның 6 күні жоғары сынып оқушыларымен «Адалдық сағаты» өткізілді. Мақсат - өскелең ұрпақтың  бойына сыбайлас жемқорлыққа қарсы мәденеиетті  қалыптастыру, жастарды адалдыққа, парасаттылыққа тәрбиелеу. Аймақтағы барлық оқу ордаларында өткен сағаттарға қала аудан әкімдері мен аранйы мониторинктік топ мүшелері, білім саласының жетекшілері, мектеп басшылары қатысты. Адалдық сағатына тарих пәнінің мұғалімі Сәрсенбаев Махамбет ағай, қазақ тілі пәні мұғалімі Дуржанова Сара, мектеп тәлімгері Қалтаева Фариза және ДТІЖО Татимбетова Жазира қатысты.

    Адалдық – адам бойындағы асыл қасиеттердің бірі. Адам бағасының бір өлшемі де іспетті. "Адалдық” деген сөз шыншылдық, айнымастық, шын берілгендік сияқты игі қасиеттерді еске салады. Қазақ пайымында адам бойында адалдық - пәктік, ар-ұждан, жан тазалығы тәрізді т.б. асыл қасиеттердің жиынтығынан тұрады. Көшпелі қазақтардың адамгершілік, адалдық қасиеттері тұрғысынан кіршіксіз таза, мәрт болатындығы туралы шетелдік саяхатшылардың қолжазбалары мен күнделіктерінен де кездестіруге болады. Осы тұста ұлы тұлғалардың осы тақырып төңірегінде айтқан ой толғамдарын назарларыңызға ұсынғанды жөн санап отырмыз.