Мектеп тарихы

Билікөл мектебі 1930 жылы Әулиеата оязына қарасты Чапаев ауылында 4 жылдық мектеп негізінде құрылды. 1935-1936 оқу жылында жеті жылдық мектеп болып қайта құрылып, Билікөл совхозының орталығы Қарабастау ауылына көшірілді. 1949 -1950 оқу жылында орта мектеп болып, сол жылы алғашқы түлектерін ұшырды. Билікөл орта мектебінің алғашқы директоры Исаев Ғаббас Жанұзақұлы. Бүгінге дейін Билікөл орта мектебі 64 рет өз түлектерін мектеп қабырғасынан ұшырды. Олардың ішінде мектепті 14 оқушы медальмен бітірген. Мектеп түлектерінің ішінде 21 адам ғылыми диссертация қорғаған. Олардың арасында 2 ғылым докторы бар.

Мектептің 1966 жылғы түлегі Аягүл Төреқызы Миразова - Қазақстан Республикасының «Еңбек Ері», «Алтын жұлдыз», «Отан» ордендерінің иегері, Білім саласының қайраткері.

2011 жылы Болатбек Тоғжан Республикалық қазақ тілі пәнінен Қазақ Ұлттық Мемлекеттік Аль-Фараби атындағы Университетінің олимпиадасының жеңімпазы.

Мектептің 24 түлегі Ауғанстанда интернационалдық борышын өтеп қайтқан. Олардың ішінде 7 жауынгер орден, медальдармен марапатталған.

1962- 1995 жыл аралығында мектепке Қазақстан Республикасы Білім беру ісінің үздігі Слямханов Сайлаухан Слямханұлы басшылық етті.

1971 жылы Билікөл орта мектебіне Әулиеата уезінде коллективтендіру науқанының белсенді мүшелерінің бірі Қошмамбетов Қарымбайдың есімі берілді.

Ұлы Отан соғысы кезінде мектептің біраз мұғалімдері мен қызметкерлері елімізді жаудан қорғады.Олардың қатарында А.Сыдыков, П. Сыдыков, М.Тюганов, К.Жанқабаев, С.Дауталиев сияқты азаматтар бар.

1995-1996 жыл аралығында Алимбетов Асқар Алпысбайұлы,

1995-2015 жыл аралығында Жүнісов Шымырбай Қуантайұлы,

2015 жылдан бері қарай Молдабаева Динара Лесбекқызы аталған

мектепте басшылық етіп келеді.