«Қыз Жібек» клубының отырысы

2021 жылдың  10 –ақпаны күні 8-11 сынып қыздары арасында  «Көркем сөз –көрікті ойдан шығады»  тақырыбында  бас қосу ұйымдастырылды. Осы аталған  тақырыпта   10 сынып оқушысы А.Ақберген баяндама жасап, өз ойын ортаға салды. Оқушы қыздарға  өз баяндамасында әрбір  қазақстандық мемлекеттік тілді білуі міндетті. Егер, адам ниеттенсе, тілді тез үйренеді.Мемлекеттік тілге деген құрметті отбасыдағы  тәрбиеден  бастау ләзім.Мемлекеттік тілдің, даму деңгейі ел дамуының негізі десе болады. Қазақстанның келешекке  кемел қадам басуы үшін бір ғана тіл – қазақ тілі ауадай қажет десе де, іс жүзінде   ондай мақсат молынан көзделмейтін   тәрізді. Қанша тіл үйреніп, шарықтап кетсеңде, қасиетті болып бір ғана тіл –ана тілі болуы тиіс.Тіл –халықтың   жан жүрегі, оның күллі рухани –имандылық, табиғи –құқықтық ырыс –игіліктердің негізі. Тіл қаруы- сөз, сөз қаруы –ой.Көркем сөз  - көрікті ойдың жемісі.». Сөзі жоғалған ұлттың өзі де жоғалады»  деп Ахмет Байтұрсынов айтқандай қасиетті сөздің қадірін білейік, сөзімізбен  қоса ұлтымызды  жоғалтып алмайық! – деген ойын жеткізді.