«Ұяда не көрсең, ұшқанда соны ілерсің» атты пікірталас

2021 жылдың  06 қазаны күні  «Қыз Жібек»  клубы мүшелерімен   «Ұяда не көрсең, ұшқанда соны ілерсің»  атты пікірталас өткізілді.  Іс –шараға                   8-11 сынып оқушы қыздары қатысты. Мектептің педагог -ұйымдастырушысы А.Нұрпеисова  оқушы қыздарға  тақырыпқа байланысты  баяндама оқыды. Балаға жақсы тәрбие бере алу үшін  ата –ана және басқа отбасы мүшелерінің  бүкіл тәрбиелік қағидаларды орындауымен қатар, отбасы өмірінің жүйелі, ата-ана арақатынасы жақсы болуы шарт. Үйде ұрыс –керіс болуы балаға кері әсер етеді. Әсіресе ажырасудай баланың көңіліне қаяу салатын  нәрсе жоқтың қасы. Балалар ата-анасын идеал, мінсіз адам ретінде көретінін ұмытпау керек. Солар сияқты болуға, солар сияқты әрекет етуге тырысады. Үлкендердің дағдыларын, әрекеттерін тез қағып алады. Балаңыз  қандай  болуын  қаласаңыз, өзіңіз сондай болыңыз.Өйткені бала айтқанымызды  емес, бізден көргенін істейді. Бір –біріне өтірік айтатын жұбайлар ілгеріде балаларының да өтірік айтатынына куә болады,тіпті мұғаліміненде бұл жөнінде  шағым естиді.   Қорыта айтқанда   өзіміз үлгілі  болайық, өзімізді мәжбүрлеп болса да жақсы мінезді болуға, жақсы істер істеуге әдеттендірейік.